1. shih BATËRDIS. Batisi mallin (tokën, vendin, shtëpinë).

2. E rrëzoj përtokë, e përmbys; e pllakos sipër, e vë poshtë. I batisi uji.

3. fig. Më rëndon si peshë e madhe, më pllakos. Më batisi malli. E batisi dëshpërimi.

4. bised. Fut në dhe a shtrij e mbuloj me dhe lastarin e një pjergulle për ta nxjerrë në një vend tjetër ose për të marrë fidanë hardhish. Batisi pjergullën.

5. fig. E degdis, e tret larg. I batisën në dhe të huaj.

6. jokal. Shkoj papritur e pakujtuar; vij befas, ia beh, çatis. Batisi lumi. Batisi në derë. Batisi papritur.

7. jokal. shih BATISET. Batisi toka. Batisi shtëpia.