Kalo te përmbajtja
Fjalor Shqip

Fjalor i gjuhës shqipe

    RRËSHQITËS

    Im. sh.
    1. Ai që merret me sportin e rrëshqitjes mbi akull me këpucë të posaçme. Rrëshqitësit mbi akull. Grupi i rrëshqitësve.
    2. tek. Vegël ose pjesë e një mekanizmi, që punon duke rrëshqitur para e prapa në një lug ose mbi një sipërfaqe. Rrëshqitësit e tornos. Mbërthej rrëshqitësin.
    IImb.
    1. I rrëshqitshëm. Rrugë rrëshqitëse. Baltë rrëshqitëse. Kalldrëm rrëshqitës. Shkallë rrëshqitëse.
    2. Që është i lëmuar dhe që të rrëshqet nga duart. Peshk rrëshqitës.
    3. tek. Që lëviz ose që punon duke rrëshqitur. Krahu rrëshqitës. Pjesa rrëshqitëse. Kapak rrëshqitës.
    4. Që lëviz nga vendi dhe shkon teposhtë, që rrëshqet (për tokën). Tokë rrëshqitëse.
    5. let. Që e ka theksin në rrokjen e tretë para fundit (për rimën e vargjeve). Rimë rrëshqitëse.