RRESHTOHEM
vetv.
- Vihem në rresht, radhitem; hyj në një rresht, zë vend në radhë. U rreshtuan në batalion. U rreshtuan nxënësit për gjimnastikë.
- fig. Hyj në radhët e një organizate ose të një grupi e marr pjesë në veprimtarinë e tyre; zë vend përkrah një tjetri për të bashkëpunuar me të, radhitem. U rreshtuan në çetat partizane. U rreshtuan në një front të vetëm. U rreshtua në radhët e kufitarëve. U rreshtua krah për krah me shokët.
- fig. Vihem në një radhë me diçka a me dikë tjetër; zë një vend a një shkallë të caktuar, radhitem; krahasohem. Rreshtohet me më të mirët. Rreshtohet midis ekonomive më të përparuara.
- Pës. e RRESHTOJ.