VIZË
If. sh.
- Vijë e shkurtër dhe e hollë (-) në shkrim, në shtypshkrim etj.; vijë: vizë lidhëse (gjuh.) vizë e shkurtër që lidh dy gjymtyrë të një fjale të përbërë; vizë ndarëse (gjuh.) vizë që ndan fjalën në rrokje a në fund të rreshtit; vizë e drejtë (e lakuar); shkruhet me vizë në mes; / vijëz: vizat e dorës.
Shprehje
- I hoqi (i vuri) vizë (vijë) (dikujt a diçkaje) nuk e përfill më; hoqi dorë, e fshiu nga defteri.
IIf. sh.
- Shënim zyrtar me vulë të posaçme në pasaportë, me të cilin lejohet të kalosh kufirin ose të shkosh në një shtet tjetër: viza e hyrjes (e daljes); zyra e vizave; heqja e vizave.