Kalo te përmbajtja
Fjalor Shqip

Fjalor i gjuhës shqipe

    GJATËSI

    f. sh.
    1. Një nga përmasat e trupave, e rrafsheve ose e vijave, që matet në shtrirjen e tyre me të madhe në hapësirë nga një skaj në tjetrin; madhësia që i përgjigjet kësaj përmase ose largësie. Gjatësia, gjerësia dhe lartësia. Gjatësia e rrugës (e fushës). Gjatësia e dhomës. Gjatësia e lapsit. Gjatësia e valës. fiz. Masat e gjatësisë. Njësitë e gjatësisë. Me gjatësi një metër. Mat gjatësinë.
    2. Shtrirja e një trupi, e një rrafshi a e një vije në drejtimin me largësi më të madhe nga një skaj në tjetrin. Në gjithë gjatësinë e rrugës. I zvogëloi gjatësinë.
    3. Lartësia e trupit. Gjatësia e shtatit. Gjatësia e lisit.
    4. libr. Zgjatja në kohë, vazhdimësia në kohë; periudhë kohe sa zgjat diçka (një veprim a një dukuri). Gjatësia e ditës (e natës). Gjatësia e jetës.
    5. libr. Sasia e fjalëve që përbëjnë diçka të shkruar a të shqiptuar; vëllimi i një shkrimi a i një ligjërate. Gjatësia e frazës. Gjatësia e romanit.
    6. gjuh. Zgjatja e një tingulli sipas numrit të dridhjeve të tij në një njësi kohe; koha sa zgjat një tingull në të folur. Gjatësia e tingullit. Gjatësia e zanores. Gjatësi absolute (relative).
    7. gjeogr. Largësia e një vendi a e një pike nga mesditësi bazë, që matet me gradë. Gjatësia gjeografike. Gjatësi lindore (perëndimore).