Kalo te përmbajtja
Fjalor Shqip

Fjalor i gjuhës shqipe

    PELIN

    m.
    1. bot. Bimë barishtore shumë e hidhur, me kërcell të mbuluar me push dhe me gjethe ngjyrë hiri të zbardhëlleme, me lule të vogla në ngjyrë si të verdhë, që përdoret në mjekësi, për prodhimin e pijeve të ndryshme etj. Gjethe pelini. Erë pelini. I hidhur si pelin.
    2. fig. Hidhërim i madh, helm. Lot pelini.
    3. përd. mb. Shumë i hidhur, helm (edhe fig.). E kam gojën pelin. I kishte fjalët pelin.
    4. përd. ndajf. Shumë (me mbiemrin «i hidhur»). Pelin i hidhur (i hidhur pelin).